«Ռոյթըրզ» լրատու գործակալութիւնը հաղորդեց, թէ Իրանէն ստացած տեղեկութիւններուն համաձայն, Իրանի իսլամական յեղափոխութեան հոգեւոր գերագոյն առաջնորդ այաթոլլա Ալի Խամինէի Հըզպալլայի ընդհանուր քարտուղար սեյիտ Հասան Նասրալլային վերջերս յղած էր նամակ մը, ուր կ’ահազանգէր իսրայէլեան մահափորձի մը առկայութեան մասին: Ըստ տեղեկութիւններուն, Խամինէի Նասրալլային խորհուրդ տուած էր դուրս գալ Լիբանանէն, ահազանգելով Թեհրանի մէջ կառավարական մակարդակով իսրայէլեան ներթափանցումներու մասին: Ան նաեւ խօսած էր Հըզպալլայի մէջ գործակալներու առկայութեան մասին: Նշենք, որ իրանցի առաջնորդը նախանցեալ օր յայտարարած էր, թէ շուտով պիտի բացայայտէ Նասրալլայի ահաբեկումին վերաբերող որոշ տուեալներ:
