Երէկ առաւօտեան կանուխ ժամերուն Իսրայէլի ուժերու բանբեր Աւիխայ Ատրահի յայտարարութիւն մը հրապարակեց կցուած քարտէսով՝ Պէյրութի հարաւային արուարձաններու Լայլաքի, Մրէյժի, Պիր Ապըտ եւ Ռուէյս շրջաններու բնակիչները զգուշացնելով հեռանալու այս վայրերէն առաւելագոյն 500 մեթր հեռաւորութեամբ: Իսրայէլեան յարձակումներուն հետեւանքով 13 շէնքեր քանդուած են: Ըստ Առողջապահութեան նախարարութեան տուեալներուն, Պէյրութի հարաւային արուարձանի յարձակումներուն արձանագրուած են 4 զոհ եւ 4 վիրաւոր:
