Ըստ «Սի.Էն.Էն.»-ի Միացեալ Նահանգներ տեղեկութիւններ ունէր, թէ Իրան Իսրայէլի վրայ թեւաւոր հրթիռներու անմիջական յարձակումի կը պատրաստուի յառաջիկայ ժամերուն ընթացքին: Երէկ երեկոյեան շուրջ ժամը 8:00-ին, Իրանէն աւելի քան 250 թեւաւոր հրթիռներ արձակուեցան, որոնք թիրախաւորեցին Իսրայէլի զանազան շրջաններ, որոնց կարգին ռազմակայաններ: Իրանի Յեղափոխական պահակագունդը յայտնեց, որ այս թիրախները կատարուեցան Իսմայիլ Հանիէի, սեյիտ Հասան Նասրալլայի եւ Նիլֆորշանի վրէժը լուծելու համար: Իսրայէլի պատկերասփիւռի 12-րդ կայանը իսրայէլացի պաշտօնատարի մը խօսքը մէջբերեց, որ ըսաւ շատ զօրաւոր կերպով պիտի հակադարձեն այս յարձակումներուն:
