Մարոնիներու Պշարա Ռահի պատրիարքը կիրակնօրեայ իր քարոզին մէջ խաղաղութիւն հայցեց Աստուծմէ եւ յայտնեց, որ պատերազմին մէջ բոլորս պարտուած ենք եւ բանակցութիւններու եւ դիւանագիտութեան ճամբով կարելի է լուծումներու յանգիլ: Նասրալլային ահաբեկումը մեծ վէրք մը բացաւ լիբանանցիներուն մօտ: Ան նշեց նաեւ, որ լիբանանցիները սուղ գին վճարեցին ազգային ուխտէն դուրս գալուն պատճառով: Լիբանան իր առաքելութիւնը միայն դրական չէզոքութեան ճամբով պիտի կատարէ: Ան կոչ ուղղեց, որ այս նահատակութեան տխուր առիթը համախմբէ բոլորը:
