Իրանի Գերագոյն առաջնորդի պաշտօնական յայտարարութեան մէջ այաթոլլա Խամենէին Նասրալլայի անունը ընդհանրապէս չյիշատակեց։ Ան դատապարտելով «Լիբանանի անպաշտպան ժողովուրդին կոտորածը», Իսրայէլի քաղաքականութիւնը որակեց «անհեռատես ու յիմար»։
Ան յայտնեց, որ իսրայէլացի յանցագործները պէտք է իմանան, որ իրենք չափազանց փոքր են՝ Լիբանանի մէջ Հըզպալլայի յենակէտերուն որեւէ զգալի վնաս պատճառելու համար եւ աւելցուց, որ տարածաշրջանի դիմադրութեան բոլոր ուժերը կ’աջակցին եւ կանգնած են Հըզպալլայի կողքին:
Սեյիտ Հասան Նասրալլայի նահատակութեան մասին լուրերու շրջանառութեան ընթացքին Իրանի գերագոյն առաջնորդ այաթոլլա Ալի Խամենէին տեղափոխուած է երկրին ներսը անվտանգ վայր՝ զօրաւոր անվտանգութեան պայմաններու մէջ, այս մասին յատնեց «Ռոյթըրզ» լրատու գործակալութիւնը՝ վկայակոչելով Իրանի մէջ իր աղբիւրները։
ութիւնը Հըզպալլայի եղբայրներուն եւ Միջազգային քրէական դատարանին կոչ ըրին սիոնիստական կազմակերպութեան առաջնորդները որպէս ռազմական յանցագործներ հետապնդելու եւ ձերբակալելու համար:
«Համասը» եւ «Հըզպալլան» յայտարարեցին Իսրայէլի դէմ միասնական ճակատ ստեղծելու մասին։
