Իրանի արտաքին գործերու նախարար Ապպաս Արաքճին հաստատեց Իրանի Յեղափոխական պահակագունդի փոխհրամանատար Ապպաս Նիլֆորշանի սպանութիւնը Իսրայէլի կողմէ Պէյրութի հարաւային արուարձանին մէջ կատարուած յարձակման հետեւանքով: Ան յայտնեց, որ այս արարքը անպատասխան պիտի չմնայ։
Ան ըսաւ, որ փոխհրամանատարը նահատակուած է Ուրբաթ օր, երբ ան կ’ուղեկցէր Հըզպալլայի ընդհանուր քարտուղար սեյիտ Հասան Նասրալլային: Յայտարարութեան մէջ խստօրէն դատապարտուած է իսրայէլեան յարձակումներն ու բռնարարքները Լիբանանի մէջ։
