Ֆրանսայի նախագահ Էմանուէլ Մաքրոնը, վերահաստատելով իր երկրին աջակցութիւնը Հայաստանին, յայտարարած է, որ Պաքուի ճնշման եւ տարածքային մտադրութիւններու պայմաններուն մէջ Փարիզը ուս-ուսի տուած կանգնած է Երեւանի կողքին։
Այս մասին Ֆրանսայի նախագահը յայտարարած է ՄԱԿ-ի Գլխաւոր վեհաժողովի 79-րդ նստաշրջանի ծիրին մէջ ունեցած իր ելոյթի ընթացքին։
«Հայաստանի վարչապետին հետ Ֆրանսան ուս-ուսի տուած կանգնած է Հայաստանի կողքին Ատրպէյճանի ճնշման եւ տարածքային մտադրութիւններու պայմաններուն մէջ։ Միջազգային հանրութիւնը պէտք է ըլլայ այնտեղ, որպէսզի ապահովէ խաղաղ բանակցութիւններուն յաջողութիւնը եւ միջազգայնօրէն ճանչցուած սահմաններուն պահպանումը»,- ըսած է Ֆրանսայի նախագահ Էմանուէլ Մաքրոնը։
