Ռուսաստանի Դաշնութեան նախագահ Վլատիմիր Փութինը ըսաւ, որ Ռուսիան հիւլէական զէնք չունեցող պետութեան կողմէ իրականացուող յարձակումը կը նկատէ որպէս «համատեղ յարձակում», ինչ որ կրնայ մեկնաբանուիլ իբրեւ ուքրանական պատերազմի մէջ հիւլէական զէնք օգտագործելու սպառնալիք: Չորեքշաբթի երեկոյեան առանցքային ելոյթի ընթացքին, Ռուսիոյ նախագահը ըսաւ, որ իր կառավարութիւնը կը քննարկէ կանոններու եւ նախապայմաններու փոփոխութեան հարցը, որոնց շուրջ Ռուսիան կ’օգտագործէ իր հիւլէական զինանոցը: Ուքրանիան ոչ-հիւլէական պետութիւն է, որ ռազմական աջակցութիւն կը ստանայ Միացեալ Նահանգներէն եւ հիւլէական զէնք ունեցող այլ երկիրներէն: Փութինի մեկնաբանութիւնները կը հնչեն այն ժամանակ, երբ Քիեւը հաւանութիւն ստացաւ Ռուսիոյ ռազմական կառոյցներու դէմ արեւմտեան հեռահար հրթիռներ օգտագործելու համար:
