Ֆրանսայի նախագահ Էմանուէլ Մաքրոն խորհրդարանի նախագահ Նեպիհ Պըրրիի հետ հեռախօսազրոյցի ընթացքին ցաւակցութիւն յայտնեց 17 եւ 18 Սեպտեմբերին Իսրայէլի նախայարձակման հետեւանքով ինկած նահատակներուն համար: Ան վերահաստատեց Ֆրանսայի աջակցութեան դիրքորոշումը Լիբանանի ներկայ պայմաններու յաղթահարման վերաբերեալ։ Իր հերթին, Պըըրի Ֆրանսայի նախագահին բացատրեց ամբողջ Լիբանանի դէմ Իսրայէլի ոճրագործութիւնը, որ պատմութեան մէջ աննախադէպ կերպով ազդեց հազարաւոր լիբանանցիներու վրայ: Ասիկա կը նկատուի ռազմական յանցագործութիւն եւ փափաք յայտնեց, որ Ֆրանսան աջակցի ՄԱԿ-ի մէջ Լիբանանի դիրքորոշման: Խորհրդարանի նախագահը վերահաստատեց միջազգային ընտանիքին նախաձեռնութեան անհրաժեշտութիւնը՝ ճնշում բանեցնելու Իսրայէլի վրայ՝ դադրեցնելու համար իր բռնագրաւումը Կազայի եւ յարձակումը Լիբանանի դէմ:
