Հիմնադրուած է Հայաստանի Օքսֆորտի շրջանաւարտներու առեւտրային ակումբը, որուն մասնակիցները ղեկավար պաշտօններ կը զբաղեցնեն ամենատարբեր ոլորտներում մէջ՝ ելեւմտական, հեռահաղորդակցութեան, խորհրդատուութիւն, տուեալագիտութիւն եւ միջազգային յարաբերութիւններ։
«Said Business school»-ի շրջանաւարտները միաւորուած են՝ ձեռք բերած գիտելիքները Հայաստանի մէջ ներդնելու, նախագիծեր իրականացնելու եւ այլոց համար համալսարանական կրթութեան հնարաւորութիւնները աւելի հասանելի դարձնելու նպատակով։
Նորաստեղծ ակումբի գործունէութեան հիմնական ուղղութիւններն են՝
- Կրթութիւն՝ մասնագիտական զարգացում, մենթորութիւն, կրթաթոշակներ,
- Ընկերային ազդեցութիւն՝ ընկերային ազդեցութիւն ունեցող ներդրումներ, կենսոլորտի պահպանութիւն, ընկերային պատասխանատուութիւն, տեղական համայնքներու զարգացման ծրագրերուն աջակցութիւն,
- Համագործակցութիւն ու կապերու հաստատում՝ ռազմավարական փոխգործակցութիւն տարբեր կառոյցներու եւ գործընկերներու հետ,
- Առաջնորդութիւն՝ կառավարման արդիւնաւէտ փորձառութեամբ կիսուելու յանձնառութիւն եւ միտքի առաջնորդութիւն։
Ակումբին հիմնադիրները պիտի իրականացնեն բազմաթիւ նախագիծեր այս եւ շարք մը այլ ուղղութիւններով եւ պիտի ստեղծեն համագործակցութեան լայն հնարաւորութիւններ հայաստանեան առեւտրային միջավայրի՝ լաւագոյնս զարգացման համար։
Հոգաբարձուներու խորհուրդի նախագահ Ալեքսանտր Շաղիկեանը, որ կը հանդիսանայ Հայաստանի մէջ BDO միջազգային ցանցի գործընկեր, խորհրդատուական ծառայութիւններու ղեկավար, մատնանշած է այն փաստը, որ ակումբի բոլոր անդամները Օքսֆորտի մէջ կրթութիւն ստանալէ յետոյ վերադարձած են Հայաստան՝ ոչ միայն իրենց ոլորտներուն մէջ առաջնորդելու եւ շարունականան ազդեցութիւն ունենալու, այլ նաեւ իրենց գիտելիքներով ու փորձառութեամբ կիսուելու առեւտրային համայնքի ու հանրութեան հետ։
