Սոցիալ Դեմոկրատ Հնչակեան Կուսակցութեան Լիբանանի շրջանի Վարիչ մարմինը խստիւ կը դատապարտէ 17 եւ 18 Սեպտեմբեր 2024-ին հաղորդակցութեանց ականուած կազմածներով Լիբանանի դէմ գործուած իսրայէլեան լայնածաւալ յարձակումը, զայն համարելով միջազգային բոլոր օրէնքներու անարգ խախտում եւ Լիբանանի գերիշխանութեան եւ անվտանգութեան ոտնակոխում:
ՍԴՀԿ Վարիչ մարմինը իր զօրակցութիւնը կը յայտնէ յարձակումէն տուժածներուն, ապահանջելով բացայայտել այս ոճրագործութեան բոլոր մանրամասնութիւնները: Միաժամանակ կը վստահեցնենք, որ այս գործողութիւնը պիտի չթուլացնէ Լիբանանի միասնականութիւնն ու անվտանգութիւնը պահպանելու մեր վճառականութիւնը: Խորին ցաւակցութիւններ՝ նահատակներու հարազատներուն եւ շուտափոյթ ապաքինում՝ վիրաւորներուն:
ՍԴՀԿ Լիբանանի շրջանի Վարիչ մարմին
