Պրիւքսէլի քաղաքապետարանի համերգասրահին մէջ տեղի ունեցաւ հայ մեծանուն երգիչ Շարլ Ազնաւուրի 100-րդ տարեդարձին առիթով համերգ, որուն յաջորդեց հանդիսաւոր ընդունելութիւն՝ նուիրուած Հայաստանի Հանրապետութեան անկախութեան 33-րդ տարեդարձին։
Միջոցառման ներկայ էին Պելճիքայի բարձրաստիճան պաշտօնեաներ, պատգամաւորներ, Եւրոպական խորհրդարանի անդամներ, Եւրոպական յանձնաժողովի բարձրաստիճան ներկայացուցիչներ, մշակոյթի եւ արուեստի գործիչներ, հայ համայնքային կառոյցներու ղեկավարներ եւ այլք։
Ողջոյնի խօսքով հանդէս եկաւ Պելճիքայի Թագաւորու-թեան մէջ դեսպան, Եւրոպական միութեան մէջ ՀՀ ներկայացուցչութեան ղեկավար Տիգրան Բալայեանը։ Ան զուգահեռներ կատարեց հայ ժողովուրդի անցած ճանապարհին եւ Ազնա-ւուրի կեանքին միջեւ՝ նշելով, որ ներկայիս մեծանուն հայ երգիչի ընտանիքին՝ Հայաստանի մէջ բնակելու հանգամանքը խորհրդանշական է։ Այս փաստը կը վկայէ, որ հայ ժողովուրդին հայրենիքի որոնումը աւարտած է, եւ 33 տարի առաջ Հայաս-տանը վերագտած է իր անկախութիւնը եւ դարձած՝ Միացեալ ազգերու կազմակերպութեան լիիրաւ ինքնիշխան անդամ։
Ողջոյնի խօսքին յաջորդեց «Ազնաւուր 100» խորագրով համերգը, որմէ յետոյ տեղի ունեցաւ Հայաստանի Հանրապետութեան անկախութեան 33-րդ տարեդարձին նուիրուած ընդունելութիւն
