ՍԴՀԿ Սուրիոյ Հիւսիսային շրջանի Վարիչ մարմինի պատուիրակութիւն մը, գլխաւորութեամբ ատենապետ ընկ. Աւօ Խոշաֆեանի եւ փոխատենապետ ընկ. Թորոս Չոփուրեանի, Շաբաթ, 14 Սեպտեմբեր 2024-ին, Սուրիոյ մայրաքաղաքին մէջ տեսակցեցաւ Դամասկոսի Հայոց Թեմի բարեջան առաջնորդ Գերշ. Տէր Արմաշ եպս. Նալպանտեանի հետ, ներկայութեամբ ՍԴՀԿ Կեդրոնական վարչութեան անդամ ընկ. տոքթ. Վազգէն Համալեանի եւ կուսակցութեան Սուրիոյ Հարաւային շրջանի Վարիչ մարմինի ատենապետ ընկ. Խորէն Չարըքեանի: Պատուիրակութիւնը Առաջնորդ Սրբազանին ներկայացուց մանրամասնութիւններ՝ Հալէպի Կիլիկեան ճեմարանի գործունէութեանց մասին: Մտերմիկ հանդիպումը առիթ էր արծարծելու նաեւ շարք մը այլ ծրագրեր եւ զանոնք իրականացնելու աշխատանքային հոլովոյթը: ՍԴՀԿ Սուրիոյ Հիւսիսային շրջանի Վարիչ մարմինի ընկերները իրենց խորին երախտագիտութիւնը յայտնեցին Արմաշ եպս. Նալպանտեանին՝ իր սիրելի Կիլիկեան ճեմարանի բարգաւաճումին ուղղութեամբ ունեցած նեդրումին համար:
