Իրանի նախագահ Մասուտ Փեզեշքիան յայտնեց, որ երկիրը շատ բարեբեր եւ բարգաւաճ օրեր պիտի ապրի, եթէ հիւլէական ծրագրին առնչութեամբ համաձայնութիւն գոյանայ միջազգային ընտանիքին հետ: Որպէս նախագահ իր առաջին մամլոյ ասուլիսին ընթացքին, նախագահը խոստացաւ նաեւ ամրապնդել յարաբերութիւնները Սէուտական Արաբիոյ, Եգիպտոսի եւ Յորդանանի հետ: Խօսելով Կազայի պատերազմին մասին, Իրանի նախագահը յայտնեց. «Մենք կը համագործակցինք մեր տարածաշրջանային բարեկամներուն հետ՝ դիմակայելու համար Իսրայէլին, որ կը սպաննէ նոյնիսկ կիներ ու երեխաներ», ըսաւ Փեզեշքիան: Ան կտրականապէս մերժեց հրաժարիլ Իրանի հրթիռային ծրագիրէն, ամերիկացիներէն պահանջելով որեւէ երկխօսութենէ առաջ նախ գործադրել հիւլէական համաձայնութեան պայմանաւորուածութիւնները: Իսկ խօսելով ներքին թղթածրարներուն մասին, Իրանի նախագահը խոստացաւ ամրապնդել զանազան խաւերուն համագոյակցութիւնը եւ պետութիւն-ժողովուրդ յարաբերութիւնները:
