Պաղեստինեան «Ուաֆա» լրատու գործակալութիւնը հաղորդեց, որ իսրայէլեան ռազմական օդանաւեր Կազայի կեդրոնական Նուսայրաթ գաղթակայանին մէջ ռմբակոծած են պաղեստինեան Քասաս ընտանիքին բնակարանը, ուր զոհուած է առնուազն 10 մարդ՝ ներառեալ կիներ ու երեխաներ, նաեւ ինկած է աւելի քան 15 վիրաւոր: Քանի մը պաղեստինցի մահացած է նաեւ Կազայի հարաւային Ռաֆահի մերձակայ ագարակներէն մէկուն թիրախաւորումին պատճառով, իսկ ժամեր առաջ վեց քաղաքացի մահացած էր Կազա քաղաքի Զէյթուն թաղամասին մէջ:
