Կնոջ նիստուկացը կարեւոր է մարմնին կառուցուածքին։ Նստելու, քալելու եւ ոտքի կենալու ատեն պէտք է ի մտի ունենալ, թէ իրանը պէտք է վեր քաշել, ուսերը՝ ետեւ եւ փորի մկանները պահել՝ պրկուած։ Այս ձեւով կանգնիլը կ’օգնէ որ մէջքը չլայննայ եւ փորի մկանները` չթուլնան:
Ստորեւ երեք խորհուրդներ, որոնք կ’օգնեն ձեզի ունենալ նրբագեղ կերպարանք:
ՊԱՏԿԵՐ 1.
Ուղիղ կենալ, աշխատիլ մարմինը վեր ձգտել, բարձր տեղ մը հասնելու երեւոյթով, ուսերը թոյլ ձգուած:
ՊԱՏԿԵՐ 2.
«Երկննալով» քալել (ուղիղ կեցուածքի ձեւով) շարժելով կոնքէն վեր ազատօրէն, առանց պրկելու: Աշխատիլ ծանրութիւնը կեդրոնացնել ոտքի մատներուն, յատկապէս բթամատին վրայ։
ՊԱՏԿԵՐ 3.
«Երկննալով» ուղիղ նստիլ ետ քաշուած, մինչեւ որ ողնայարը յենի աթոռին կռնակին։ Մէկ ոտքը միւսէն առջեւ եւ կամ կրունկները միացած, իսկ ոտքին յառաջամասը քիչ մը իրարմէ բաժնուած:
Արշօ Թիւթիւնճեանի «Կնոջ բարեձեւութիւնը 10 վայրկեան մարզանքով» գրքոյկէն
