Արտաքին գործերու նախարարի պաշտօնակատար Ապտալլա Պու Հապիպ տեսակցեցաւ ՄԱԿ-ի գաղթականներու հարցերով զբաղող գործակալութեան (UNHCR) յանձնակատարի օգնականին հետ եւ քննարկեց Լիբանան ապաստանած սուրիացի տեղեկանուածներուն թղթածրարն ու մարդասիրական այս ճգնաժամը լուծելու միջոցները: Պու Հապիպ շեշտեց սուրիացիներու ապահով եւ արժանապատիւ տունդարձին կարեւորութիւնը, ՄԱԿ-էն պահանջելով հաղորդակցիլ սուրիական կառավարութեան հետ՝ այդ նպատակին հասնելու համար: Յանձնակատարին տեղակալը իր կարգին նշեց, որ Սուրիոյ կառավարութեան վերաբերմունքի փոփոխութիւն նկատած են գաղթականներու տունդարձին հարցով, յայտարարելով թէ իրենց գրասենեակը շուտով պիտի ապահովէ շուրջ 30 հազար սուրիացի տեղահանուածի անվտանգ տունդարձը, մանաւանդ, որ Սուրիոյ մէջ այսօր կան շատ ապահով շրջաններ:
