Հայաստանի Կեդրոնական ընտրական յանձնաժողովը բաւարարած է 51 քաղաքացիներու դիմումը «Եւրոպայի միութեան Հայաստանի Հանրապետութեան անդամակցելու գործընթացի մեկնարկի մասին» ՀՀ օրէնքի նախագիծը քաղաքացիական նախաձեռնութեան կարգով առաջարկելու նպատակով նախաձեռնող խումբ կազմաւորելու վերաբերեալ։ Նախաձեռնող խումբի լիազօր նշանակուած է Արտակ Հայկազի Զեյնալեանը։
Նախագիծը հանրաքուէին ներկայացնելու համար անհրաժեշտ ստորագրութիւններու հաւաքումը կ’իրականացուի ԿԸՅ-ի կողմէ նախաձեռնող խումբէ արձանագրելէ յետոյ 60 օրուայ ընթացքին։ Ստորագրութիւններու հաւաքման ժամկէտ սահմանուած է 2024 թուականի 16 Սեպտեմբերէն մինչեւ 14 Նոյեմբեր ներառեալ։
ԵՄ-ին Հայաստանի անդամակցութեան գործընթաց սկսելու հարցը հանրաքուէի դնելու համար ստորագրահաւաքի առաջարկով հանդէս եկած են երեք քաղաքական ուժեր՝ Հայաստանի Եւրոպական կուսակցութիւնը, Հանրապետութիւն կուսակցութիւնը, Յանուն Հանրապետութեան կուսակցութիւնը։
