Հունգարիոյ արտաքին գործերու նախարար Փիթըր Սիյարթօն ֆէյսպուքեան իր էջով գրառում կատարած է, որուն մէջ մասնաւորապէս կ’ըսուի.
«Հայաստանի հետ դիւանագիտական յարաբերութիւններու վերականգնումէն ի վեր որոշակի արդիւնքներ արձանագրուած են։ Անցեալ տարի մենք առեւտուրի մրցանիշ սահմանած ենք: Յուլիսին սկսանք ուղիղ թռիչքներ մեր երկիրներուն միջեւ։ Շուտով պիիտ ստեղծուի համատեղ տնտեսական յանձնաժողով եւ համագործակցութիւն հիւլէական ուժանիւթի ոլորտին մէջ։
ԵՄ մեր նախագահութեան օրօք Հայաստանը 10 միլիոն տոլարի դրամաշնորհ ստացած է Խաղաղութեան եւրոպական հիմնադրամէն։ Նախօրէին երկխօսութիւն սկսած է վիզաներու պարզեցման շուրջ։
Նոյեմբերին մենք կը հաստատենք Հայաստան-ԵՄ համագործակցութեան ընդլայնման ժամանակացոյցը։ Բացի անկէ, մենք փոխադարձաբար կը բանանք դեսպանատուներ մեր երկիրներուն մէջ»։
