Լիբանանի Նախարարաց խորհուրդի գլխաւոր քարտուղարութիւնը յայտարարեց, որ ընթացիկ աշխատանքներու կառավարութեան երէկուան նիստը յետաձգուեցաւ օրինաթիւ չգոյանալու պատճառով: Յաջորդ գումարման թուականը պիտի որոշուի աւելի ուշ:Ngar majles Նախքան նիստը, հանգստեան կոչուած զինուորականները փակեցին վարչապետարանին մուտքերը: Իսկ նիստի պաշտօնական յետաձգումէն ետք ցուցարարները մեեցին հեռանալ եւ բանալ արգելափակուած ճամբաները, մինչեւ վարչապետ Նեժիպ Միքաթին իր ներկայացուցիչը ուղարկէ բանակցելու իրենց հետ: Անոնք յայտնեցին, որ նիստին յետաձգումը յաղթանակ չեն նկատեր: Հանգստեան կոչուած զօրավար Անտրէ Ապու Մաաշեր, Ռիատ Սոլհի մէջ, նկատած է, որ բաւարար չէ յետաձգել կառավարութեան նիստը՝ շեշտելով, որ պէտք է շարունակեն մինչեւ իրենց պահանջներուն յստակ գրաւոր որոշում տրուի, որովհետեւ կառավարութիւնը պարտաւոր է վերատեսութեան ենթարկել օրակարգը եւ զինուորներուն պահանջներուն գոհացում տայ: Ան ընդգծեց, որ աշխատավարձի փոփոխութեան ծրագիրը պէտք է վաւերացուի յաջորդ նիստի քննարկումի նախօրեակին: Ան պահանջեց վերանայիլ հանգստեան կոչուած զինուորներուն պահանջները, ինչպէս նշուած է պետական օրէնքին մէջ։
