Լիբանանեան բանակի հրամանատար զօրավար Ժոզէֆ Աուն շեշտեց, որ զինուորները կայունութեան երաշխիք են եւ անոնց աչքերուն մէջ կը տեսնէ անկոտրում կամք ու ծառայելու բարձր տրամադրութիւն: Լիբանանի բարձրագոյն գագաթ Քորնէթ Սաուտայի շրջանին մէջ տեղակայուած բանակի յատուկ ստորաբաժանում այցելած ատեն, զօրավարը ըսաւ. «Դուք այս դժուար տեղամասին մէջ շարունակաբար կ’իրականացնէք գործողութիւններ՝ պահպանելով անվտանգութիւնը, այդ լեռան շուրջ հողային տարակարծութիւններով հանդերձ, ուստի ես հպարտ եմ ձեզմով եւ ձեր զինակիցներով, որոնք տեղակայուած են սահմանին վրայ եւ լիբանանեան զանազան շրջաններու մէջ», ըսաւԱուն, զինուորներուն կոչ ուղղելով միշտ հպարտ ըլլալու իրենց լիբանանեան ինքնութեամբ եւ պահպանելու ներքին համագոյակցութիւնն ու միասնականութիւնը: «Ներքին կայունութեան խախտումը արգիլուած է եւ այս դժուար ժամանակահատուածին կը կարօտինք համբերութեան եւ յաւելեալ զոհողութիւններու», շեշտեց հրամանատարը: Յիշեցնենք, որ տարի մը առաջ լեռնային նշեալ շրջանին մէջ տեղի ունեցած է Պըշարրի եւ Տաննիէ գաւառներէն լեռ բարձրացած զինեալներու միջեւ բախում, պատճառելով երկու զոհ:
