ՊԱՍՔԵԹՊՈԼ

ԼԻԲԱՆԱՆԻ ՊԱՏԱՆԻՆԵՐՈՒՆ 2-ՐԴ ՅԱՂԹԱՆԱԿԸ

Յորդանանի մէջ տեղի ունեցող՝ պասքեթպոլի մինչեւ 18 տարեկան տղոց Ասիոյ ախոյեանութեան Ա. խմբակի 3-րդ հանգրուանի ծիրէն ներս տեղի ունեցաւ Լիբանան ընդդէմ Մոնկոլիա հանդիպումը եւ աւարտեցաւ ի նպաստ Լիբանանի պատանիներուն՝ 64 – 45 արդիւնքով:

Այսպիսով Լիբանան 2 յաթանակ եւ 1 պարտութեամբ գրաւեց Ա. խմբակին 2-րդ հորիզոնականը:

3 մրցումներէ ետք ընդհանուր դասաւորումը ստացաւ հետեւեալ տեսքը՝

1) Աւստրալիա 6 կէտ

2) Լիբանան 5 կէտ

3) Թայուան 4 Կէտ

4) Մոնկոլիա 2 կէտ

ԸՄԲՇԱՄԱՐՏ

ԱՇՈՏ ԽԱՉԱՏՐԵԱՆ ԲԱՒԱՐԱՐՈՒԵՑԱՒ ԱՐԾԱԹԷ ՄԵՏԱԼՈՎ

Սպանիոյ մէջ կը շարունակուի ըմբշամարտի աշխարհի մինչեւ 20 տարեկաններու ախոյեանութիւնը:

Յունա-հռոմէական ոճի մրցապայքարը բաւական թէժ էր հայ ու ռուս ախոյեաններուն համար: Ի վերջոյ, 72 քկ քաշային Աշոտ Խաչատրեան 5 – 6 ընդհանուր հաշիւով պարտութիւն կրեց Զաուր Պեսլեքովիէն եւ նուաճեց 2-րդ պատուաւոր մետալը:

ԱՄԵՆԱՍՈՒՂ ՖՈՒԹՊՈԼԻՍՏՆԵՐԸ ԱՆԳԼԻՈՅ ՄԷՋ ԵՆ

Գիտէ՞ք որոնք են ֆութպոլի աշխարհի ամենասուղ կազմերը ունեցող խումբերը: Մօտաւորապէս այո: Սակայն այս մասին առաւել յստակ տեղեկագրած է «CIES Football Observatory»-ն, ներկայացնելով այս պահուն աշխարհի ամենասուղ կազմերը ունեցող խումբերուն ցանկը:

Ներկայիս աշխարհի ամենասուղ կազմը ունի լոնտոնեան «Չելսի»ն, բոլոր ֆութպոլիստներուն ընդհանուր արժէքը կը կազմէ 1,15 միլիառ եւրօ (առանց «պոնիւս»ներու) իսկ 1,28 միլիառ եւրօ («թէյավճար»ով):

Երկրորդ տեղը կը գրաւէ «Մանչեսթըր Եունայթըտը»՝ 1,04 միլիառ եւրոյով («պոնիւս»ները ներառեալ), երրորդը՝ «Մանչեսթըր Սիթին» է (1,017 միլիառ եւրօ):

Լաւագոյն տասնեակը ունի հետեւեալ տեսքը․-

1․ Չելսի
2․ Մանչեսթըր Եունայթըտ
3․ Մանչեսթըր Սիթի
4․ Արսենալ
5․ Թոթընհեմ
6․ Փարի Ս.Ժ.
7․ Լիվըրփուլ
8․ Ռէալ Մատրիտ
9․ Նիւքեսըլ
10․ Եուվենթիւս