Հայաստանի Ազգային ժողովի Արտաքին յարաբերութիւններու յանձնաժողովի նախագահ Սարգիս Խանդանեան անդրադարձած է Պաքուէն հնչող յայտարարութիւններուն՝ Հայաստանի կողմէ սպառազինութիւն ձեռք բերելու վերաբերեալ։
«Իր պաշտպանական կարիքները բաւարարելու եւ խնդիրները լուծելու գործողութիւնները Հայաստանի ինքնիշխան որոշումներն են, եւ երրորդ կողմերը չեն կրնար Հայաստանին ստիպել կամ պահանջել զինամթերք, սպառազինութիւն ձեռք չբերել ըսաւ Խանդանեան:
Ան յիշեցուց, որ Հայաստանը Ատրպէյճանին յստակ առաջարկած է սպառազինութիւններու փոխադարձ վերահսկման մեխանիզմ ներդնել, որ անարձագանք մնացած է:
«Ատրպէյճանը եւս կը զինուի: Եթէ այդպիսի մտահոգութիւն կայ այնտեղ, այստեղ ալ այդ մտահոգութիւնը աւելի շատ կայ: Եւ անոր համար շատ տրամաբանական է, որ այդպիսի մեխանիզմ գործէ: Բայց այդ մեխանիզմի ներդրման առաջարկը անարձագանգ կը մնայ»,- նշեց պատգամաւորը:
