Հ.Մ.Մ. Մասիսի Ընդհանուր Անդամական ժողովը տեղի ունեցաւ Հինգշաբթի, 29 Օգոստոս 2024-ի երեկոյեան ժամը 7:00-ին, Հ.Մ.Մ. Մասիս ակումբին մէջ: Ժողովին իրենց մասնակցութիւնը բերին Ս.Դ.Հ.Կ. Լիբանանի շրջանի Մարզական դիւանապետը եւ Հ.Մ.Մ.-ի Կեդրոնական վարչութեան ատենապետն ու անդամները:
Անդամական ժողովը, լսելէ ետք վարչութեան ամփոփ նիւթաբարոյական զեկոյցը,
մանրամասն քննարկեց Հ.Մ.Մ. Մասիսի վարչութեան տարած աշխատանքը:
Ընդհանուր Անդամական ժողովը բարձր գնահատեց վարչութեան գործունէութիւնը։
Ժողովը լայնօրէն անդրադարձաւ Հ.Մ.Մ. Մասիսի «Ակադեմիա»ին, մարզական կեանքին եւ երիտասարդութիւնը յուզող հրատապ հարցերուն եւ համապատասխան որոշումներով քայլեր ձեռնարկեց նոր թափ տալու այդ աշխատանքներուն:
Ժողովը ընդհանուր արժեւորում կատարեց երկրին մէջ տիրող դժուարին պայմաններուն։ Անդրադարձ կատարուեցաւ արդիւնաւէտ աշխատանքի եւ գործունէութեան ընդլայնման մասին: Ժողովը նաեւ ներկայացուց առաջարկներ, որոնք նկատի պիտի առնուին վարչութեան կողմէ:
Ժողովի աւարտին, ժողովականները իրենց վստահութիւնը յայտնեցին Հ.Մ.Մ. Մասիսի վարչութեան եւ վերահաստատեցին վարչութիւնը անփոփոխ կազմով շարունակելու իր գործունէութիւնը մինչեւ շրջանի աւարտը։
Հ.Մ.Մ. Մասիսի Ընդհանուր Անդամական Ժողովի Դիւան
Պուրճ Համուտ, 29 Օգոստոս 2024
