Վրաստան կատարած պաշտօնական այցի շրջանակին մէջ, ՀՀ պաշտպանութեան նախարար Սուրէն Պապիկեան Սեպտեմբերի 2-ին հանդիպած է Վրաստանի վարչապետ Իրաքլի Քոպախիձէի հետ։
Հանդիպման ներկայ էր նաեւ Վրաստանի մէջ ՀՀ արտակարգ եւ լիազօր դեսպան Աշոտ Սմբատեանը։
Հանդիպման ընթացքին կարեւորուած են Հայաստան-Վրաստան ռազմավարական յարաբերութիւնները, ընդգծուած է բարձրաստիճան պատուիրակութիւններու միջեւ պարբերական շփումներու արդիւնաւէտութիւնը:
Վրաստանի վարչապետը ողջունած է պաշտպանութեան բնագաւառին մէջ Հայաստան-Վրաստան համագործակցութեան զարգացումն ու իր լիակատար աջակցութիւնը յայտնած է այդ գործընթացին:
ՀՀ պաշտպանութեան նախարար Սուրէն Պապիկեան փոխադարձաբար կարեւորած է պաշտպանութեան ոլորտին մէջ փոխգործակցութեան զարգացումը, փոխանցած է ՀՀ վարչապետ Նիկոլ Փաշինեանի ողջոյնները:
Վրաստանի վարչապետ Իրաքլի Քոպախիձէն եւ ՀՀ պաշտպանութեան նախարար Սուրէն Պապիկեանը ընդգծած են տարածաշրջանին մէջ երկարատեւ եւ կայուն խաղաղութեան հաստատման կարեւորութիւնը:
Վրացական կողմը պատրաստակամութիւն յայտնած է շարունակելու աջակցութիւնը տարածաշրջանին մէջ խաղաղութեան հաստատման ուղղութեամբ գործադրուող ջանքերուն:
