Պատասխանելով այն հարոցւմին, թէ ինչ իրաւական-քաղա-քական գործիքներ կան՝ արցախցիներու իրաւունքներուն պայքարելու համար, Միջազգային քրէական դատարանի դա-տախազ Լուիս Մորենօ Օքամփօ մասնաւորաբար կարեւոր նկատեց ՄԱԿ-ի Ցեղասպանութեան մասին բանաձեւին դերը առանց պետութեան ժողովուրդներու իրաւական պաշտպա-նութեան մէջ՝ իբրեւ իրաւական կարեւոր գործիք:
Ան նաեւ նշեց, որ ՄԱԿ-ի Ցեղասպանութեան կանխարգիլման հարցերու յատուկ խորհրդականը յայտնեց, որ կայ ցեղասպանութեան վտանգ Արցախի մէջ, իսկ անիկա արդէն իսկ կ՛ենթադրէ միջազգային հանրութեան կողմէ գործողութեան պարտաւորութիւն: Այս պարունակին մէջ, նաեւ շատ կարեւոր պիտի ըլլայ, որ ՄԱԿ-ի Կլիմայի փոփոխութեան ծիրին մէջ բարձրաձայնել գերիներու հարցը եւ ցոյց տալ, որ Ատրպէյճան անմեղ մարդիկ իբրեւ գերի կը պահէ իր բանտերուն մէջ։
Հանդիպման ընթացքին խօսուեցաւ նաեւ, որ աշխարհը ճանչցած է 1915-ի Ցեղասպանութիւնը, սակայն անիկա որեւէ արդիւնք չէ տուած: Օքամփօ ըսաւ, որ աշխարհը շատ տարբեր է հիմա. այն ժամանակ չկար ՄԱԿ-ի քրէական դատարանը, չկային ընկերային լրատուադաշտը, ցանցերը, Սփիւռքը եւ այլն:
Ան նաեւ ըսաւ, որ որքան ալ Ատրպէյճան հակառակը պնդէ, արցախցիները հողի սեփականատէրերն են, եւ ամէն ինչ կախեալ պիտի ըլլայ անկէ, թէ որքա՛ն պատրաստ պիտի ըլլանք պայքարելու: Ան արցախցիներուն խորհուրդ տուաւ աւելի աշխոյժ ըլլալ իրենց իրաւունքներու պաշտպանութեան մէջ:
