ՀՀ վարչապետ Նիկոլ Փաշինեան ֆէյսպուքեան իր էջով գրած է, որ Ակադեմական քաղաքի գլխաւոր յատակագիծը պատրաստ է:
Շուրջ 44 հազար դասախօս, գիտնական եւ ուսանող Հայաստանէն եւ արտերկրէն, 8 պետական եւ 8 միջազգային/մասնաւոր համալսարաններ պիտի տեղաւորուին 580 հեկտար տարածքի վրայ, ուր պիտի ներդրուին ժամանակակից կանաչ արհեստագիտութիւններ:
Գիտակրթական այս հոյակապ միջավայրը պիտի ըլլայ նաեւ մտաւորական ժամանցի եւ մարզական կեանքի հանրապետական կեդրոն:
Ակադեմիական քաղաքի նախագիծին մանրամասնութիւնները պիտի ներկայացուին յառաջիկային:
