պէյրութ
Լուսանկարի հետքերով
80 տարեկան լուսանկար մը
Պատմական այս լուսանկարը, 1995-ին, տողերուս հեղինակին նուիրեց եւ ֆութպոլիստներուն անունները յիշատակեց Հ.Մ.Մ-ի նախկին ֆութպոլիստ, 1945 թուականի ախոյեան կազմի անդամ, հետագային Հ.Մ.Մ. Մասիսի նուիրեալ անդամ ու վարչական, ողբացեալ ընկեր Գէորգ Ճանճանեանը:
«1944-ի Հ.Մ.Մ.ի կազմը Սահակեան դաշտին վրայ, հերթական ախոյեանական մրցումին ընդառաջ: Նկարին մէջ, ոտքի՝ ձախէն աջ. Վահրիճ Ճէրէճեան (վարչութեան ատենապետ), Աւետիս Քէշիշեան, Պօռոլոս Գառնագարեան, Գարաօղլան ?, Մանուկ Նազիրեան, Գօգօ ?, (?), Արամայիս Ճէրէճեան, Յարութիւն Սիւթճեան:
Նստած՝ ձախէն աջ. Գէորգ Քէօշկէրեան, Գէորգ Ճանճանեան, Ժիրայր Չէօրէքճեան (բերդապահ), Ստեփան Օգնայեան»:
Սահակեան դաշտը ներկայիս դադրած է գոյութիւն ունենալէ, սակայն նկարին ետեւը գտնուող «Պատուոյ թրիպիւն»ը («Պայտա»յի շէնքին տանիքը) տակաւին որպէս կառոյց կը գործէ եւ մեզմէ շատեր անոր առջեւէն երբեմն կ’երթեւեկեն: Այս մասին «նոր սերունդ»ը անտեղեակ է: Պէտք է այնպէս ընել, որ մեր արժէքաւոր անցեալի դրուագներն ու արխիւները «անոր» ընդունելի դառնան:
ՆԱԶՕ Ճ.
