Լիբանանեան բանակի հրամանատարութիւնը յայտարարեց, թէ իր զօրամասերէն մէկուն մէջ զինուոր մը մահացած է այլ զինուորի ձեռամբ կատարուած հրաձգութեան պատճառով: Հաղորդագրութիւնը յստակացուց, որ հրաձգութիւնը հետեւանք չէր երկու զինուորներուն միջեւ որեւէ տարակարծութեան կամ բախումի, հետեւաբար չէ բացառուած, որ տեղի ունեցածը ըլլայ ոչ-դիտումնաւոր արկած մը: Բանակը հաւաստիացուց, որ հետաքննութիւնները պիտի շարունակուին դատական առնչակից մարմիններուն մասնակցութեամբ՝ բացայայտելու համար միջադէպին մանրամասնութիւնները:
