Պաղեստինի նախագահութեան պաշտօնական բանբեր Նապիլ Ապու Ռուտայնա յայտնեց, որ Երուսաղէմի Աքսա մզկիթը կը համարուի կարմիր գիծ եւ կարելի չէ զայն ոտնակոխել: Մեկնաբանելով Աքսայի մէջ հրէական սինակոկ կառուցելու մասին իսրայէլացի ծայրայեղական նախարարներէն Իթմար Պեն Ղաֆիրի վտանգաւոր կոչերը, Ապու Ռուտայնա վստահեցուց, որ պաղեստինցի ժողովուրդը կտրականապէս կը մերժէ Աքսայի նկատմամբ որեւէ ոտնձգութիւն եւ կը հաւատայ, որ Աքսայի նկատմամբ նման ծայրայեղական կոչերուն նպատակն է տարածաշրջանը առաջնորդել կրօնական առճակատումի:
