Կազայի մէջ գերեվարուած եւ արգելափակուած իսրայէլացիներուն ընտանիքները յայտարարեցին, թէ Համասի հետ գերիներու փոխանակումին վերաբերող գործարքը պատրաստ էր նոյնիսկ Յուլիսի սկիզբը, սակայն վարչապետ Պենիամին Նեթանիահու առաջադրած էր նոր պայմաններ՝ ներառեալ Եգիպտոսի հետ սահմանային Ֆիլատելֆիա ճակատին հարցը, խափանելով համաձայնութեան գործադրութիւնը: «Նեթանիահու հետեւողական ձեւով կը խոչընդոտէ գերիներու փոխանակումը», ըսին ընտանիքները եւ վարչապետը ամբաստանեցին համաձայնութենէ խուսափելու համար նոր նախապայմաններ առաջադրելու մէջ:
