Անցնող օրերուն Լիբանանի հարաւային սահմանին տիրող մագլցողական վիճակի լոյսին տակ, վարչապետի պաշտօնակտար Նեժիպ Միքաթի հեռաձայնային հաղորդակցութիւններ ունեցաւ բարեկամական պետութիւններու պատասխանատուներուն հետ, շեշտելով իսրայէլեան բռնարարքներուն վերջ տալու եւ ՄԱԿ-ի 1701 բանաձեւը գործադրելու կարեւորութիւնը: Իսկ միջազգային մարդասիրական կազմակերպութիւններուն հետ զրոյցի ընթացքին Միքաթի պահանջեց աջակցիլ Լիբանանին՝ գործադելու կառավարութեան մշակած արտակարգ իրավիճակի ծրագիրը:
