Հայաստանի մէջ, 23 Օգոստոսի դրութեամբ, հաստատուած է Արեւմտեան Նեղոսի տենդով վարակման 75 դէպք:
Այս մասին յայտնած են Հիւանդութիւններու վերահսկման եւ կանխարգիլման ազգային կեդրոնէն:
Արեւմտեան Նեղոսի տենդի փոխանցողը քուլեքս ցեղի մոծակներն են: Մարդը կը վարակուի մոծակի խայթոցէն: Ժահրը մարդէ մարդու չի փոխանցուիր:
Արեւմտեան Նեղոսի տենդէն Հայաստանի մէջ այս պահի դրութեամբ արձանագրուած է մահուան մէկ դէպք: 1938 թուականի ծնունդ տղամարդը ունեցած է ուղեկցող շարք մը հիւանդութիւններ:
