Ուքրանիոյ նախագահ Վոլոտիմիր Զելենսքին պետական պարգեւներ յանձնած է ուքրանացի զինուորականներուն, մարզիկներուն, մշակոյթի գործիչներուն եւ այլ ոլորտներու ներկայացուցիչներու։ Այս մասին երկրի ղեկավարը յայտնած է թելեկրամեան իր ալիքով։
«Ինծի համար մեծ պատիւ է այսօր պարգեւատրել Ուքրանիոյ իրական առասպելները։ Մենք կը նշենք բոլոր անոնք, ովքեր կը զօրացնեն մեր մարտիկները եւ կ’ոգեշնչեն զանոնք։ Անոնք այն մարդիկ են, որոնք կը փառաբանեն Ուքրանիան՝ ամրապնդելով մեր պաշտպանութիւնը եւ ոգեշնչելով Ուքրանիոյ բոլոր քաղաքացիները։ Մենք յաւերժ երախտապարտ ենք եւ շատ երջանիկ, որ կ’ապրինք երկրի մը մէջ, որ միաւորած է նման յարգուած եւ տաղանդաւոր մարդիկ»,- գրած է Զելենսքին։
Պետական մրցանակի արժանացած անձերու շարքին են Նինա Մաթվիենքօն, Հովարտ Պաֆեթը, Ալեքսանտր Տուպովիքը, Օլեկ Քորոսթելեւը, Իւան Լուքաշեւիչը, Իկոր Փոքլատը, Ալեքսանտր Ուսիքը, Օլկա Խարլանը, Վիթալի Խմելը, Իրինա Իւրչենքօն, Սերկէյ Փարաճանովը։
Զելենսքին բեմադրիչ Սերկէյ Փարաճանովը յետմահու պարգեւատրած է «Ուքրանիոյ ազգային առասպել» մրցանակով:
