Թրիփոլիի Թաքուա եւ Սալամ մզկիթները թիրախաւորած ահաբեկչական գործողութիւններու 11-րդ տարելիցին առիթով, նախկին վարչապետ Սաատ Հարիրի հրապարակեց հաղորդագրութիւն մը, որուն մէջ ցաւակցեցաւ զոհերու ընտանեկան պարագաներուն, հարազատներուն եւ հիւսիսի բնակչութեան: «Արդարութիւնը անպայման պիտի յաղթանակէ, իսկ ոճրագործները ուշ թէ կանուխ պիտի պատժուին», նշեց ան: Իսկ երեսփոխան Ֆայսալ Քարամի պահանջեց վերականգնել արդարութիւնը եւ ծանր պատժել նշեալ ոճիրի ետին կանգնողները: «Միայն արդարութիւնը կրնայ քիչ մը մեղմել Թրիփոլիի մէջ մեր նահատակներու հարազատներուն վիշտը», ըսաւ Քարամի:
