Թուրքիոյ արտաքին գործերու նախարար Հաքան Ֆիտան պիտի այցելէ Պրիւքսէլ՝ մասնակցելու Եւրոմիութեան խորհուրդի ոչ-պաշտօնական հանդիպման։
Սա ԵՄ-ի կողմէ Թուրքիոյ առաջին նման հրաւէրն է վերջին հինգ տարուայ ընթացքին:
Թուրքիոյ ԱԳՆ պաշտօնական ներկայացուցիչ Օնճու Քեչելին հաստատած է Ֆիտանը միջոցառմանը հրաւիրելու փաստը։
«Մենք կ’ողջունենք այդ հրաւէրը։ Այն նաեւ նշան է, որ Եւրոմիութիւնը կը հասկնայ Թուրքիոյ հետ յարաբերութիւններու զարգացման անհրաժեշտութիւնը տարածաշրջանային եւ համաշխարհային մարտահրաւէրներու պայմաններուն մէջ։
Յարաբերութիւններուն մէջ յառաջընթացի հասնելու համար կարեւոր է, որ Եւրոմիութեան հետ մեր համագործակցութիւնն ու երկխօսութիւնը բոլոր ոլորտներուն մէջ ընթանայ մշտական եւ համակարգուած հիմունքներով եւ ընթանայ կանխատեսելի ձեւով»,- ըսած է Քեչելի:
Եւրոմիութեան արտաքին գործերու եւ պաշտպանութեան նախարարները 29-30 Օգոստոսին պիտի հաւաքուին Պրիւքսէլի մէջ ՝ ԵՄ խորհուրդի ոչ-պաշտօնական հանդիպման:
Մասնակիցները պիտի քննարկեն Քիեւին նոր ռազմական մատակարարումներու հնարաւորութիւնները՝ Քուրսքի մարզ ներխուժման հետեւանքով ուքրանական ուժերու մեծ կորուստներու լոյսին տակ:
