Ռուսիոյ Անվտանգութեան խորհուրդի փոխնախագահ Տմիթրի Մետվետեւ յայտնեց, որ ռուսական Քուրսք նահանգին վրայ ուքրանական յարձակումէն ետք կը դադրին բոլոր բանակցութիւնները եւ պիտի չշարունակուին, մինչեւ Քիեւի իշխանութեան ամբողջական կործանումը: Մետվետեւ դիտել տուաւ, որ ինք անտեղի կը համարէր ուքրանական ղեկավարութեան հետ կանխահաս բանակցութիւնը, որ Քիեւ առաջարկած էր արեւմտեան դրդումով: «Իսկ այժմ, երբ Ուքրանիոյ նազիները ահաբեկչական նոր գործողութիւն իրականացուցին Քուրսքի մէջ, ապա համայն աշխարհը կը հասկնայ, թէ կարելի չէ շարունակել բանակցութիւնները», ըսաւ Ռուսիոյ նախկին նախագահը:
