Իրանի կիսապաշտօնական «ՖԱՐՍ» լրատու գործակալութիւնը հաղորդեց, թէ հետաքննութիւնները ցոյց տուած են, որ Իրանի նախկին նախագահ Իպրահիմ Ռայիսիի մահուան պատճառ հանդիսացած ուղղաթիռի ջախջախումը տեղի ունեցած էր եղանակային աննպաստ պայմաններուն հետեւանքով: Յիշեցնենք, որ Մայիսին տեղի ունեցած արկածէն մահացած էր նաեւ արտաքին գործերու նախարար Հըսէյն Ամիր Ապտոլլահիանը: Ըստ «ՖԱՐՍ»-ի, հետաքննութիւն կատարուած է երեք հազար մարդու հետ, սակայն չէ բացայայտուած որեւէ կասկածելի:
