Ալճերիոյ քարիւղային Սոնաթրաք ընկերութիւնը յայտարարեց, թէ Լիբանանի ելեկտրակայաններուն յատկացուած վառելանիւթի առաջին բեռը առաքած է Լիբանան: Ըստ յայտարարութեան, ուղարկուած բեռը կը կշռէ շուրջ 30 հազար թոն ու մաս կը կազմէ համաձայնութեան առաջին փուլին: Նշենք, որ Ալճերիոյ նախագահը քանի մը օր առաջ անակնկալօրէն յայտարարած էր Լիբանանին քարիւղ մատակարարելու մասին, որպէսզի կարելի ըլլայ գործարկել ելեկտրակայանները եւ խուսափիլ ամբողջական խաւարէն:
