Պաղեստինեան առողջապահական ծառայութիւններ նշեցին, որ իսրայէլեան ռումբերուն պատճառով հինգ կին ու երկու երեխայ զոհուած է Կազայի հարաւային Խան Եունէս շէջանի Պէնի Սուհայլա գաղթակայանին մէջ: Քանի մը պաղեստինցի զոհուած կամ վիրաւորուած է նաեւ Կազա քաղաքի արեւմտեան Ռիմալ թաղամասի վարժարաններէն մէկուն մէջ, որ կը ծառայէ որպէս տեղահանուածներու ապաստան:
Իսրայէլի պաշտպանութեան նախարար Եոաւ Կալանթ պնդեց, որ իրենք կործանած են Ռաֆահ շրջանին մէջ գործող պաղեստինեան ուժերը եւ անոնց գործածած գետնափոր ուղիները փակած են հողակոյտով:
