ՄԱԿ-ի մէջ Իրանի պատուիրակութիւնը յայտարարեց, որ Թեհրան գերագոյն ուշադրութեամբ կը ծրագրէ Իսրայէլին ուղղուելիք հակադարձութիւնը, որպէսզի ապահովէ առաւելագոյն անակնկալը: «Մեր հակադարձութիւնը պէտք է շատ ուսումնասիրուած ըլլայ, որպէսզի ժխտական ազդեցութիւն չունենայ Կազայի զինադադարի բանակցութիւններուն վրայ, սակայն ահաբեկչական արարք կատարողը պէտք է անպայման պատժուի», յայտարարեց Իրանի պատուիրակութիւնը՝ աւելցնելով, որ «երբ իսրայէլացիներուն հայեացքները կեդրոնացած ըլլան ռատարներուն վրայ, անոնք անակնկալի պիտի մատնուին մեր ցամաքային, գուցէ նաեւ օդային գրոհէն»:
