Իսրայէլեան պետական լրատուամիջոցներ հաղորդեցին, որ Գահիրէի մէջ նախատեսուած բանակցային նիստերու շարունակութիւնը գուցէ յետաձգուի մինչեւ շաբաթավերջ: Այսպիսով, մինչ Կազայի պատերազմին վերջ տալու եւ զինադադար յայտարարելու վերաբերեալ լաւատեսութիւնը երէկ կը վերածուէր հիասթափութեան, վերստին մակերես հանելով Իրանի եւ Հըզպալլայի հակադարձութեան, նոյնիսկ տարածաշրջանային մեծ պատերազմի հաւանականութիւնը:
Իրանի յեղափոխական պահակագունդի բանբերը «Ռոյթըրզ»ին յայտնեց, որ Իսրայէլի դէմ Իրանի հակադարձութեան սպասումը գուցէ ըլլայ երկար: «Ժամանցը մեր օգտին է եւ մեր հակադարձութիւնը կրնայ չնմանիլ նախկին զինուորական գործողութիւններուն, սակայն մեր հողին նկատմամբ որեւէ ոտնձգութիւն պիտի չձգենք անպատասխան, այլ պիտի հակադարձենք յարմար պահուն», ըսաւ իրանցի բանբերը:
Կազայի մէջ, իսրայէլեան բանակը երէկ Կազայի մէջ յայտնաբերեց իսրայէլացի մահացած վեց գերիներու մարմինները՝ ներառեալ 79 տարեկան տղամարդ մը, որուն ընտանեկան պարագաները ազատ արձակուած էին անցեալ Նոյեմբերին կնքուած փոխանակումի համաձայնութեամբ:
