Իսրայէլեան օդուժը նախանցեալ գիշեր ու երէկ արեւածագին ծանրօրէն թիրախաւորած էր Պեքաայի հիւսիսային շարք մը շրջաններ, ուր տեղի ունեցան բազմաթիւ ծանր պայթումներ: Առողջապահութեան նախարարութեան շտապ գործողութիւններու կեդրոնը յայտարարեց, թէ Պեքաայի թիրախաւորումէն վիրաւորուածներուն թիւը բարձրացած է 11-ի, սակայն բոլորն ալ դարմանուած են հիւանդանոցներու շտապ օգնութեան բաժանմունքներուն մէջ:
Իսրայէլեան բանակը միւս կողմէ յայտարարեց, որ յարձակումին թիրախները Հըզպալլայի զինամթերանոցներն էին:
