Իսրայէլեան ամէնօրեայ ոտնձգութիւններու ծիրին մէջ, անօդաչու սարքերը երէկ Շահապիէ եւ Պաֆլէ գիւղերուն միջեւ ռմբակոծեցին շարժանիւ մը: Իսկ սահմանային Տուհէյրա գիւղի բնակարաններէն մէկը եւս թիրախ դարձաւ իսրայէլեան օդուժին: Իսկ երէկ երեկոյեան, ռազմական օդանաւերը ռմբակոծեցին Թէյր Հարֆա գիւղին կեդրոնական հրապարակը, ուր տեղի ունեցան մեծ պայթումներ:
Իսրայէլի պաշտպանութեան նախարար Եոաւ Կալանթ դիտել տուաւ, որ ռազմական գործողութիւններու կեդրոնացումը աստիճանաբար Կազայէն լիբանանեան սահման կը փոխադրուի: «Լիբանանի խոր վայրերու մէջ մեր կատարած գործողութիւնը նախապատրաստութիւն էր հաւանական որեւէ զարգացումի», ըսաւ Կալանթ:
