Մոսկուան պատրաստ է մասնակցելու Պաքուի եւ Երեւանի միջեւ յարաբերութիւններու կարգաւորման։ Ատրպէյճանի նախագահ Իլհամ Ալիեւի հետ հանդիպման ընթացքին այս մասին ըսած է Ռուսիոյ նախագահ Վլատիմիր Փութինը՝ շեշտելով, որ Հարաւային Կովկասի մէջ տիրող իրավիճակի կարգաւորումը հանդիպման թեմաներէն մէկն է։

«Ռուսաստանի պատմական ներգրաւուածութիւնը Հարաւային Կովկասի մէջ, ընդ որում ՝ վերջին տարիներուն, մեզ այդ իրադարձութիւններուն մասնակցելու անհրաժեշտութիւն կը թելադրէ, ի հարկէ այնքանով, որքանով շահագրգռուած են կողմերը։ Եթէ մենք ինչ-որ բան կրնանք ընել, որպէսզի հասնինք խաղաղութեան պայմանագրի ստորագրման, գործը հասցնենք սահմանազատման եւ սահմանագծման, լոկիսթիքի համապատասխան ուղղութիւններու եւ տնտեսութեան ապաշրջափակման, ապա մենք շատ ուրախ պիտի ըլլայինք անոր համար», – ըսած Է Փութին:

Ան նաեւ յայտնած է, որ Ատրպէյճան այցէն յետոյ պիտի կապուի Փաշինեանի հետ եւ պիտի պատմէ Ալիեւի հետ բանակցութիւններու արդիւնքներուն մասին:

Յիշեցնենք, որ Ռուսիոյ նախագահը երկօրեայ պետական այցով Պաքու մեկնած էր 18 Օգոստոսին։