Իրանի եւ Հայաստանի յարաբերութիւնները բաւականին կառուցողական են եւ սերտ:
Լրագրողներու հետ հանդիպման ժամանակ այս մասին ըսած է Իրանի Արտաքին գործերու նախարարութեան պաշտօնական ներկայացուցիչ Նասէր Քանանին։
Անոր խօսքով՝ երկու երկիրներուն միջեւ կայ բարեկամական եւ համապարփակ յարաբերութիւններ զարգացնելու ընդհանուր ցանկութիւն:
«Երկու կողմերն ալ կ’ընդգծեն տարածաշրջանին մէջ կայունութեան եւ անվտանգութեան, ինչպէս նաեւ սահմաններու անվտանգութեան ապահովման կարեւորութիւնը։ Մենք չենք մեկնաբաներ երկիրներուն միջեւ երկկողմ խնդիրները, բայց կ’ընդգծենք, որ դրական չենք վերաբերիր տարածաշրջանին մէջ ԱՄՆ-ի ներկայութեան»,- նշած է Քանանին։
