«Հ.Մ.Մ.-Անթիլիաս»ի ընդհանուր անդամական Ժողովը տեղի ունեցաւ Հինգշաբթի, 8 Օգոստոս 2024-ի երեկոյեան ժամը 7:30-ին, «Հ.Մ.Մ.-Անթիլիաս»ի ակումբին մէջ: Ժողովին իրենց մասնակցութիւնը բերին Ս.Դ.Հ.Կ. Լիբանանի շրջանի մարզական դիւանապետը եւ Հ.Մ.Մ.-ի Կեդրոնական վարչութեան ատենապետը եւ անդամներ:
Ընդհանուր անդամական Ժողովը մանրամասն քննութեան ենթարկեց «Հ.Մ.Մ.-Անթիլիաս»ի շրջանաւարտ վարչութեան գործունէութիւնը: Ընդհանուր անդամական Ժողովը բարձր գնահատեց ընթացաւարտ վարչութեան գործունէութիւնը։
Ժողովը լայնօրէն անդրադարձաւ Հ.Մ.Մ. Ակադեմիային, մարզական կեանքին եւ երիտասարդութիւնը յուզող հրատապ հարցերուն, եւ համապատասխան որոշումներով քայլեր ձեռնարկեց նոր թափ տալու նպատակով:
Ժողովը ընդհանուր արժեւորումը կատարեց երկրին մէջ տիրող այս դժուարին պայմաններուն մէջ արդիւնաւէտ աշխատանքի եւ գործունէութեան ընդլայնման մասին: Ժողովը նաեւ մշակեց յառաջիկայ տարեշրջանին համար նոր ծրագիր:
Ժողովի աւարտին տեղի ունեցաւ 2024-2026 տարեշրջաններու նոր վարչութեան ընտրութիւն հետեւեալ կազմով.-
Ընկ. Գաբրիէլ Փաթափութեան – ատենապետ
Ընկ.հի Սիւզի Նաճարեան – փոխատենապետուհի
Ընկ. Ռազմիկ Օղլուքեան – ատենադպիր
Ընկ. Կարօ Մազաքեան – գանձապահ
Ընկ. Երուանդ Տատուրեան – հաշուապահ
Ընկ. Արա Գոճաօղլանեան – խորհրդական
Ընկ. Յովիկ Նագգաշեան – խորհրդական
«Հ.Մ.Մ.-Անթիլիաս»ի ընդհանուր անդամական ժողովի դիւան
Պէյրութ, 8 Օգոստոս 2024
