Վիեթնամի մէջ Հայաստանի Հանրապետութեան արտակարգ եւ լիազօր դեսպան Սուրէն Պաղտասարեանը հանդիպած է Վիեթնամի արտաքին գործերու նախարար Պույ Թան Շոնի հետ:
Հանդիպման ընթացքին զրուցակիցները քննարկած են տնտեսական, քաղաքական, կրթական, մշակութային եւ այլ ոլորտներու մէջ փոխյարաբերութիւններու օրակարգի ընդլայնման առնչուող շարք մը հարցեր:
Կողմերն ընդգծած են նաեւ քաղաքական բարձր մակարդակի փոխայցերու նշանակութիւնը՝ երկկողմ յարաբերութիւններու յարաշարժ զարգացման տեսանկիւնէն:
Ներկայացնելով «Խաղաղութեան խաչմերուկ» ծրագրի շրջանակներուն մէջ տարածաշրջանային համագործակցութեան վերաբերեալ հայկական կողմին մօտեցումները՝ դեսպան Պաղտասարեանը կարեւորեց Վիեթնամի հետ կապերու ամրապնդումը միջազգային եւ տարածաշրջանային ձեւաչափերու մէջ:
Հանդիպման ընթացքին քննարկուած են նաեւ երկու երկիրներու քաղաքացիներուն համար մուտքի արտօնագրերու ազատականացման, զբօսաշրջութեան խթանման, Հայաստան-Վիեթնամ ուղիղ թռիչքներու կազմակերպման եւ այլ հարցեր:
