Պէյրութի Թարիք Ժտիտէ թաղամասին մէջ երէկ արեւածագին տեղի ունեցաւ ապահովական միջադէպ մը, երբ անծանօթ մարդ մը մոլոթով քոքթէլի շիշ նետեց սիւննիներու համայնքային դատարանի շէնքի մուտքին՝ յառաջացնելով հրդեհ մը, ապա կոտրեց դուռը՝ սարսափի մթնոլորտ յառաջացնելով բնակչութեան մօտ, որոնցմէ շատեր տակաւին քնացած էին միջադէպի պահուն: Ապահովական տեսախցիկներուն օգնութեամբ, ներքին ապահովութեան ուժերը շուտով բացայայտեցին յանցագործին ինքնութիւնը եւ քանի մը վայրկեան ետք զայն ձերբակալեցին: 1989-ի ծնունդ տղամարդը նախնական հարցաքննութեան ընթացքին խոստովանած է յանցանքը:
