Լիբանանի դիմագրաւած ապահովական վտանգներու մթնոլորտին մէջ, ամիսներ շարունակ նախագահի ընտրութեան նիստերու հրաւէր ուղարկելէ խուսափող խորհրդարանի նախագահ Նեպիհ Պըրրի վերստին յայտնեց, որ պատրաստ է գումարելու ազգային երկխօսութեան կամ ընդլայնուած խորհրդակցութեան նիստեր՝ նախապատրաստելու համար հանրապետւթեան նոր նախագահի ընտրութեան նիստերը: Ընդդիմադիր ուժեր, սակայն, իսկոյն յիշեցուցին, որ նոր նախագահ ընտրելու համար կարիք կայ ոչ թէ երկխօսութեան, այլ խորհրդարանի յաջորդական բաց նիստերու:
